Chollywood: सामाजिक बुराई ऊपर करारा तमाचा होही उर्वशी के फ़िल्म, शूटिंग होगे लगभग पूर्ण

जय जोहार रायपुर…  (chollywood) आज समाज के सबले बड़े बुराई हे नोनी मन संग दुष्कर्म, ये कृत्य ले कोई नोनी ऊपर का गुजरथे तेला बने ढंग ले देखाय के प्रयास ये शार्ट फ़िल्म,

(chollywood) अभी ये फिलिम के नाम तय नई होय हे लेकिन बहुत ही मार्मिक नाम होय के बात केहे हे उर्वशी साहू ह,ये फिलिम के अवधि एक घण्टा के हे अऊ एमा बताय गए हे कि कईसे गरीब घर के एक नोनी ह प्यार के झांसा म फंस के सामूहिक दुष्कर्म के शिकार हो जथे,

उर्वशी ह किहिस कि एखर कहानी म एक लड़का अपन दोस्त मन संग मिल के लड़की संग दुष्कर्म ल अंजाम देथे अऊ नोनी के इज्जत संग खिलवाड़ करथे,

एमा माँ के रोल उर्वशी साहू अऊ पिताजी के रोल विजय चंद्राकर करे हे। मुकेश देवांगन घलो अभिनय म नजर आही। एखर संगेसंग लल्ली ठाकुर , यश साहू, नकुल महलवार अऊ देवेंद्र साहू संग बड़ अकन कलाकार मन अभिनय करे हे,

(chollywood) उर्वशी साहू के इंटरटेनमेन्ट चेनल म रिलीज होय वाला ये शार्ट फ़िल्म के शूटिंग दुर्ग अऊ राजनांदगांव के आसपास म होवत हे,

ये फिलिम के पटकथा स्वयं उर्वशी ह लिखे हे अऊ एमा ओखर सहयोग करे हे पवन कुमार गुप्ता ह,

सम्पादन अऊ छायांकन के कार्य ल अंजाम दे हे लक्ष्मण यादव ह, बता दन कि जल्द ही ये फिलिम उर्वशी साहू के चैनल म रिलीज करे जाही।