श्रम अउ खेल मंत्री रजवाड़े ह करथे अइसे पूजा

कोरिया। छत्तीसगढ़ के श्रम अउ खेल मंत्री भैयालाल रजवाड़े एक बार फेर चरता म हे। दरअसल, मंत्रीजी गांव वाला मन ल गजराज के उत्पात ले निजात दिलाय बर पूजा-पाठ कर रहत हे अउ उंहू ह कुरसी मर बइठके। जबके पंडित खड़ा होके मंत्र उच्चार करत हे।
छत्तीसगढ़ के खेल मंत्री भैयालाल रजवाड़े अपन बयानो मन के कारन हमेसा चरचा म रहिथे। उंखर ये वीडियो घलो राजनीतिक गलियार मन म चरता के केन्द्र बना हुए हे। बताय जात हे के कोरिया जिला के चिरमिरी वन मंडल के एक कारयक्रम होइस हे। जेमा मंत्री ह कोरिया जिलाम हाथी मन के आतंक ल रोके बर गणेश जी के पूजा अर्चना करत हे अउ वो घलोक कुरसी म बइठ के। चिरमिरी वनमंडल म हाथी मन के काफी आतंक हे। हाथी मन ह हमला कर के कतको ग्रामीन मन के घर लतोड़ दिस। बता देन के मंत्री के आय के एक दिन पहिली हाथीमन ह एक हमला म आधा दरजन
ले जादा ग्रामीन मन ल घायल कर देय रहिस हे। ये मा एक सियान के मउत घलो होइस हे। मंत्री ल येखर सूचना मिलिस त वो ह हालात के जायजा ले बर चिरमिरी वनमंडल पहुंचिन। मंत्री आय हे कहि के वन विभाग के अफसर मन ह सुभ कार बर उमन ल आमंत्रित कर लिस। पूजा पाठ अउ अनुष्ठान के फउरन बंदोबस्त करे गिस । पंडित घलो आ गे। लेकिन जब वो पूजा पाठ सुरू होतिस येकर पहिलि उमन ह कुरसी लाय हुक्म दिस अउ मंत्री जी वो कुरसी म ही जमगे।
आमतउर म पूजा पाठ अउ अनुष्ठान जमीन म बइठ के करे जाथे। इहां घलो पूजा पाठ स्थल म जमीन म बइठे बर मंत्री के खास बंदोबस्त करे गिस हे। उमन बर बकायदा एक रेशमी अउ एक प्लास्टिक के चटाई रखेगे रहिस हे, लेकिन उन्होंमन जमीन म बइठे म कोनो दिलचस्पी नइ दिखाइस।