chhattisgarh के श्रवण राठौर ल मिलिस बेस्ट वाटर वारियर के दूसर पुरस्कार, ट्राफी , प्रशंसा पत्र अउ डेढ़ लाख रुपिया ले होइस सम्मानित

जय जोहार…. (chhattisgarh) छत्तीसगढ़ के श्रवण कुमार राठौर ल ऊंखर फिलिम साऊंड ऑफ वाटर बर बेस्ट वाटर वारियर ले सम्मानित करे गे हे, वर्चुअल ढंग ले होय ये आयोजन म देश के उपराष्ट्रपति अऊ जलशक्ति मंत्री गजेंद्र सिंह शेखावत ह ये सम्मान प्रदान करिंन,

बता दन कि (chhattisgarh) श्रवण कुमार ह खुद जल संसाधन विभाग के नौकरी ले वीआरएस ले के ये फिलिम के निर्माण म जुट गे रिहिस, राठौर ह 2018 म ये फिलिम बनाए के शुरुवात करे रिहिस , 2019 के येला एक साथ 365 सिनेमाघर म रिलीज करिस,

श्रवण राठौर ह किहीस कि साउंड ऑफ वाटर ल जल्द ही ओटीटी प्लेटफॉर्म म घलो रिलीज करे के योजना हावे, (chhattisgarh) ओमन किहींन कि फिल्म समाज के आईना होथे अऊ हमन ल अइसे फिलिम बनाना चाहिए जेखर ले समाज म एक अच्छा संदेश जाय।