साइबेरियन पक्छी मन के प्रजननगाह बनिस ये गांव ह

नवनीत शुक्ला, मुंगेली। हमर बिदेशी पहुना आगश ले उड़ावत सात समुंदर पार करके पहुंचाइया ए सुघ्घर साइबेरियन पक्षी मन के प्रज्जनन गाह बनिस हमर मुंगेली ज़िला हमर ख़ुस क़िस्मती हे कि 7 समुंदर पार ले अवइया ये बिदेशी पहुना मन पथरिया ब्लॉक के गांव पड़ीयाइन ल अपन प्रज्जनन बर चुने हे । इ मन लगभग 35 साल ले इहाँ आवत हे ये पक्षी मन ह हर साल जून महीना म गांव आथे अउ पेड़ म अपन घोसला बना के अंडा देथे अउ जब लइका उड़े के लाइक हो जथे त इ मन ह अपन देश वापिस लहूट जथें ।
पड़ियाइन गांव के मन मानथे कि जब ले ए मेहमान मन इंहां आवत हे तब ले हमर गांव म कभु अकाल नई पड़े हे न कोनो गांव ऊपर बिपत्ति आए हे ए गांव म पक्षी मन ल बहुत शुभ मानथे,अउ कोनो मन कहूँ इंखर शिकार करत अउ तंग करत पता चल जथे त उ मन ल 5000 रु अर्थदंड के सज़ा दे जाथे। इंखर सुरक्षा बर जिला प्रशासन तक ल बने धियान दे हे के जरूरत हे ।
अभी कुछ दिन पहिली मुंगेली के समाज सेवक संस्था स्टार ऑफ टुमॉरो के कार्यकर्ता मन ह गांव पक्षी मन के रहे के जगह म पौधा रोपण करिन ए इंखर द्वारा बहुत अच्छा पहल हे ।प्रकृति के संतुलन ल बनाए रखे बर पेड़ पौधा के रोपण घलोक जरूरी हो गे हे । इन हमर पहुना मन बर जिला प्रशासन अउ प्रदेश सरकार ल तको इंखर देख रेख तको के परबंद करना चाही आज इन मेहमान मन के आय ले ये जगह ल पर्यटन स्थल बनाये के माँग बने दिन ले करत आवत हैं।
प्रदेश सरकार तको ल भी अब जिला के पड़ीयाइन गांव ल पर्यटन स्थल घोषित कर देना चाहिए जेखर से देश बिदेश के घूमईया मन हमर सात समुंदर ले आए हमर पहुना मन ल निहार सकय ।