चार गाँव दुर्ग तहसील ले हटाये के चर्चा…. विरोध म चलत हे हस्ताक्षर अभियान

दीपक बावनकर@रायपुर अंजोरा,ढाबा ,भेढसर अऊ डानडेसरा , ये वो गाँव हरे जेन अब भिलाई तीन तहसील म जाने वाला हे , अइसे चर्चा हे , ये खबर ले गाँव वाला मन परेशानी म हे काबर कि इन्हा ले नवा तहसील ह तीस किलोमीटर पढ़ही, शासन के निर्णय ले गाँव वाला मन अपन विरोध हस्ताक्षर के माध्यम ले दर्ज करात हे , अभी तक लगभग डेड हजार हस्ताक्षर होगे हे , सब्बो मन के कहना हे कि शासन के कार्य म हमन बाधा नई करत हन लेकिन हमर परेशानी ल घलो शासन ल देखे ल पढ्ही .आज युवा कांग्रेस के जिला सचिव धर्मेन्द्र देशमुख के नेतृत्व म ग्राम भेढ़सर म साढे पांच सौ लोगन मन ये परिसीमन के विरोध म हस्ताक्षर करिस