पोस्टर हटाए के नगर निगम के आदेस के कांग्रेसी मन करत हे बिरोध

बिलासपुर । शहर के दीवाल मन म लगे कांग्रेसी नेता मन के पोस्टर हटाए के नगर निगम के आदेस के कांग्रेसी मन बिरोध सुरु कर दिन हे। कांग्रेस के आरोप हे कि खाली कांग्रेसी नेता मन के ही पोस्टर हटाए बर कहे गए हे, जबकि बीजेपी नेता मन के पोस्टर दीवाल म टंगे हे। कांग्रेस नेता अऊ पूर्व बिधायक अरूण तिवारी एकर खिलाफ मौन सत्याग्रह म बइठिस। मौन सत्याग्रह म बइठे ले पहिली बिरोध करत अरूण तिवारी ह सिविल लाइन थाना कना मंत्री अमर अग्रवाल के वॉल पेंटिंग ल पहिली हटवाए के मांग करिस।