जय जोहार रायपुर…. कोरोना संकट के कारण मार्च महीना ले अध्यापन कार्य बंद होंगे रिहिस , लेकिन बच्चा मन के पढ़ाई लिखाई अऊ ऊंखर भविष्य के चिंता ल ध्यान म राखत हुए सरकार ह ऑनलाइन पढ़ाई ले कल्पना करिस जे न ह आज साकार होवत नजर आत हे ।
बता दन कि कांकेर जिला म १५९२ प्राथमिक शाला ,६०३ पूर्व माध्यमिक शाला अऊ २४२ हाई स्कूल हावे जिन्हा प्रशासन के सहयोग अऊ शिक्षक मन के मेहनत ले शिक्षा के उजियारा कायम हे , ऑनलाइन क्लास एक तरह से ट्यूशन के सामान हे जहां शिक्षक मन मोबाइल लगा के सवाल हल करथे ओला देख के बच्चा मन बने ढंग ले सिखत हे ,
ऑनलाइन क्लास लेवय्या शिक्षक मन किहिस कि हमन सरल अऊ रोचक तरीका ले वर्चुअल पढ़ाई करात हन जेमा बच्चा मन पढ़ाई लिखाई म मन लगा के पढ़त हे , ओमन किहिस कि ऑनलाइन पढ़ाई म इंटरनेट अऊ मोबाइल के होना आवशयक हे लेकिन जहां ये उपलब्ध नई रहाय वहां एक मोबाइल म लगभग तीन बच्चा मन मिल के पढ़ाई करत हे।
