Chhattisgarh म एकल खिड़की प्रणाली सीजी आवास होइस लागू, अब 100 दिवस के भीतर मिलही सब्बो अनुमति
जय जोहार…. आवास अऊ पर्यावरण विभाग ह आवासीय कॉलोनी के अनुमोदन प्रक्रिया म तेजी लाय अऊ सुगम बनाय बर एकल खिड़की प्रणाली सीजी आवास ल विकसित करे हे। एखर ले अब सब्बो अनुमति ल 100 दिवस के भीतर पूरा कर ले जाही। छत्तीसगढ़ (chhattisgarh) के मुख्यमंत्री भूपेश बघेल ह छत्तीसगढ़ (chhattisgarh) म आवासीय कालोनी के विकास के प्रक्रिया ल सरल करे के निर्देश दे रहिस।
जेखर तहत लागू प्रणाली म कालोनाइजर अऊ आवेदक ह अपन स्वामित्व के भूमि के चर्तुसीमा के तहत खसरा ल एकीकृत कर प्रस्तुत नई करत हे, त ओ मन ल खसरा एकीकरण बर 40 दिवस के अतिरिक्त बेरा दे जाही। ए प्रक्रिया खाती आवेदन ल अब बार-बार कोनो घलो दफ्तर म जाय के जरूरत नई होही।
सीजी आवास के खाती अब 21 मई ले ए प्रक्रिया ले जुड़े सब्बो संबंधित विभाग ह अपन कार्यालय म आवासीय कालोनी के अनुज्ञा ले संबंधित कोनो घलो आवेदन ल नई लेही। ए विभाग म अब सीजी आवास के माध्यम ले ही आवेदन जमा कराय जाही। एखर खाती अब कालोनी के विकास बर आवेदन ल छत्तीसगढ़ (chhattisgarh) के कोनो स्थान ले सर्विस प्लस पोर्टल के माध्यम ले सीजी आवास के तरफ ले करे जा सकही।
