bilaspur: सीपत थाना प्रभारी पाय गे हे कोरोना संक्रमित, थाना हो गे सील

जय जोहार…. बिलासपुर (bilaspur) जिला म कोरोना संक्रमण ह सरलघा बाढ़त जावत हे। बुधवार के सीपत थाना प्रभारी के रिपोर्ट ह कोरोना पाजिटिव आय हे।
जेखर बाद सीपत थाना ल सील कर दे गे हे। अब सीपत थाना के सबो काम ल मस्तूरी थाना ल सौंप दे गे हे। बता दन कि एखर पहिले (bilaspur) जिला म पचपेड़ी नाका थाना अऊ सिविल लाइन थाना ह सील हो चुके हे।
बता दन कि बिलासपुर जिला म अब तक कोरोना संक्रमित मन के संख्या ह 1407 पहुंच गे हे। जेमा ले 466 एक्टिव मामला हे। (bilaspur) उहचे 932 लोगन मन ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। ए वायरस ले जिला म अब तक 9 लोगन मन के मौत हो गे हे।