छत्तीसगढ़ म कोरोना के छह अऊ नवा मरीज मिलिस, एक्टिव मरीज मन के संख्या ह बाढ़ के होइस 10

जय जोहार…. छत्तीसगढ़ म कोरोना ले जुड़े एक बड़का खबर सामने आवत हे। प्रदेश म कोरोना पाजिटिव छह अऊ नवा मरीज मिले हे। ओमा ले जांजगीर के पांच अऊ कोरिया जिला के एक मरीज हे। एम्स अधीक्षक ह एखर पुष्टि करे हे।

संक्रमित मरीज मन ल इलाज बर एम्स अस्पताल म लाये जावत हे। एखर संगेसंग अब प्रदेश म एक्टिव केस के संख्या ह 10 हो गे हे। ऊहचे कोरोना संक्रमित मरीज मन के आकड़ा ह बाढ़ के 66 हो गे हे। जबकि 56 लोगन मन ह स्वस्थ होके अपन घर लहुट चुके हे।