राजनांदगांव म आघू आइस एक अउ आंखफोड़वा कांड

राजनांदगांव। छत्तीसगढ़ के राजनांदगांव जिलेा म एक अउ आंखफोड़वा कांड आघू आइस हे। मेडिकल अस्पताल म मोतियाबिंद के ऑपरेसन करवाय बर आय छह मरीज मन के आंखि म संक्रमन फइल गे हे। मामला के सिकायत के बाद दू मरीज ल आनन-फानन म रायपुर रेफर करे गिस हे।
राजनांदगांव जिला के धूमा अउ मुंगेली जिला के 6 मरीज मन के मेडिकल अस्पताल म मोतियाबिंद के ऑपरेसन करे गिस हे। ऑपरेसन के दूसर दिन ही लोगन के आंखि म संक्रमन अउ सूजन के सिकायत डॉक्टर मन ले करे गिस। ओखर बाद मेडिकल अस्पताल के डॉक्टर मन ह दू मरीज मन ल रायपुर रेफर करिन। मेडिकल अस्पताल मेकाहारा म ये मरीज मन के आंखि के फेर ऑपरेसन करे गिस । येकर बावजूद उमन ल साफ तौर म कुछु घलो दिखाई नइ देवत हे। मरीज मन ल धुंधला दिखाई देवत हे।