बूढ़ातालाब के संग राजधानी के छह तालाब ल करे जा चुके हे साफ, बचे तालाब के सफाई बर दे जाही ठेका

जय जोहार। नगर निगम रायपुर ह सिरिफ बूढ़ातालाब के सफाई म जुटे हे, अइसे नई हे। बूढ़ातालाब के संग शहर के आन छह तालाब के घलो अब तक सफाई हो गे हे। ए कड़ी म अब राजातालाब के सफाई के काम ह चलत हे।

महापौर एजाज ढेबर ह बताइस कि ए साल ह मन ह 40 तालाब के सफाई के काम ल अपन हाथ म ले हन। जेमा ले छह तालाब ल अब तक साफ करे जा चुके हे। अवइया समय म आन तालाब के सफाई बर ठेका दे जाही। वो हा कहिन कि तालाब के प्रति आस्था के घलो धियान रखे जाही। एमा हर तालाब म पूजा सामग्री ल विसर्जित करे बर स्थान बनाय जाही।

महापौर ह कहिन कि जेन तालाब के सफाई कराय जावत हे, वो तालाब ह जलकुंभी ले पट चुके रहिस। जेला साफ करिन अऊ अवइया समय म तालाब म फेर ले गंदगी न हो एखर धियान रखे जाही।