रायपुर। राजधानी म आज स्मार्ट कार्ड के वितरन बीजेपी नेता मन ल देय म कांग्रेस पार्टी ह स्वास्थ्य बेभाग के सीएमओ कार्यालय के घेराव कर के विरोध जताइन हे। कांग्रेस नेता पंकज शर्मा के नेतृत्व म ये विरोध प्रदर्सन करे गिस हे। शर्मा ह आरोप लगाइन के स्मार्ट कार्ड के वितरण बर आयोजित होवइया शिविर मन के जुम्मेदारी वार्ड मन के बीजेपी नेता मन ल दे जात हे। शर्मा ह बताइन के सहर के कतको वार्ड मन म कांग्रेस के पार्षद जीते हे। मगर ये वार्ड म घलो हारे हुए बीजेपी नेता मन के हाथ म कार्ड के वितरन के जुम्मेदारी दे गेहे ताकि चुनाइ म येकर फायदा ले जा सकय। संग ही शर्मा ह सीएमओ उपर बीजेपी कार्यकर्ता मन जइसे काम करे के आरोप घलो लगाइन हे ।
