chhollywood: काली मनाए जाही छत्तीसगढ़ी फिलिम निर्माता स्व. विजय कुमार पाण्डेय के जयंती, स्मार्ट सिनेमा अवार्ड 2020 के घोसना घलो
जय जोहार…. (chhollywood) साल 1965 म निर्मित छत्तीसगढ़ी फिलिम घर-द्वार के निर्माता स्व. विजय कुमार पांडेय के 77वीं जयंती ल काली बुधवार के नया रायपुर स्थित श्री सत्य साई सभागार म मनाय जाही। संगेसंग स्मार्ट सिनेमा अवार्ड 2020 घलो दे जाही।
(chhollywood) स्मार्ट सिनेमा अवार्ड के आयोजक पीएलएन लकी ह बताईस कि कोरोना काल सती ह मन ए साल पहिली छिमाही म आयोजन नई कर पाय रिहिन, एखर सती ह मन ह 23 दिंसबर के तारिख ल चुने हन, ताकि फिलिम घर-द्वार के निर्माता स्व. विजय कुमार पांडेय के जयंती पर ओ मन ल स्मरण कर नमन कर सके।
जेन ह छत्तीसगढ़ी सिनेमा म अपन अमिट छाप छोड़े हे। हरेक साल के भांति ए बार घलो 36 कैटेगरी के विजेता के घोसना कर स्मार्ट सिनेमा अवार्ड दे जाही।
बता देन कि स्मार्ट सिनेमा अवार्ड ल छत्तीसगढ़ के सबले प्रतिष्ठित अवार्ड माने जावत हे। जेखर छत्तीसगढ़ी सिनेमा जगत के लोगन मन ल इंतजार रहत हे, (chhollywood) लेकिन कोरोना काल सती ए वर्ष ये आयोजन ह अब तक नई हो सके रिहिन। आयोजन के क्रम बनाए रखे ल ए साल के अंत म आयोजन करे जावत हे।
