कर्जा ले मिलिस मुक्ति, चेहरा म मुस्कान लेके फेर खेती म भिड़ गे फिरतराम

अल्पकालीन कृषि ऋण माफी योजना:
रायपुर। राज्य सरकार के कृषि ऋण माफी योजना ले जांजगीर-चांपा जिले के 79 हजार ले ज्यादा किसान मन के चेहरा म मुस्कान आ गे हे। कर्ज के बोझ से मुक्ति मिले अउ धान के मूल्य बढ़े ले किसान मन म खेती-किसानी के प्रति उत्साह बढ़े हे। अउ खरीफ फसल के खेती म लग गे हे। योजना के तहत अब राष्ट्रीयकृत बैंक मन के कृषि ऋण ल घलो माफ करे बर प्रक्रिया प्रारंभ कर दे गे हे। नवागढ़ तहसील के ग्राम पचेड़ा निवासी किसान श्री फिरतराम कश्यप अउ ओकर परिवार म कर्जमाफी की सूचना मिले ले उत्साह के माहौल हे।
श्री फिरतराम ह बताइन कि ओमन विगत वर्ष कृषि कार्य बर पंजाब नेशनल बैंक ले 20 हजार रूपया के कर्ज ले रिहिन। राज्य शासन के निर्णय ले अब ग्रामीण सहकारी बैंक मन के साथ-साथ अन्य बैंक मन के कृषि ऋण ल घलो माफ करे के प्रक्रिया करे जात हे। श्री फिरतराम ह बताइन कि एक एकड़ म खेती व मजदूरी करके अपन परिवार के जिम्मेदारी निभावत हें। विगत वर्ष कृषि कार्य बर ऋण लेना पड़े रिहिस। ऋण वापसी के चिंता म खेती-किसानी के प्रति उत्साह कम हो गे रिहिस। राज्य सरकार के कृषि ऋण माफी योजना ले ओकर परिवार ल राहत मिले हे। धान के समर्थन मूल्य म बढ़ोतरी होए ले भी वो ह अपन परिवार के जिम्मेदारी बेहतर ढ़ंग ले निभा सकही।
उल्लेखनीय हे कि अल्पकालीन ऋण माफी योजना ह जांजगीर-चांपा जिला के 79 हजार 860 किसान मन बर वरदान साबित होए हे। ये किसान मन जिला सहकारी केन्द्रीय बैंक के 18 बैंक साखा मन से 304 करोड़ 74 लाख रूपए ले ज्यादा के अल्पकालीन ऋण प्राप्त करे रिहिन। शासन के निर्देश ले अन्य बैंक मन के कृषि ऋण ल माफ करे के प्रक्रिया करे जावत हे। शासन के इस निर्णय ले जिले के हजारों किसान मन के चेहरा खिल गे हे।