झारखण्ड के 7 नाबालिग लइका संग एक आदमी रायगढ़ म गिरफ्तार, पुलिस ल हे लइका तस्करी के शक..
रायगढ़. बीती रात आरपीएफ रायगढ़ स्टेशन म चेकिंग के दउरान रकसोल हैदराबाद ट्रेन म 7 नाबालिग लइका मन के संग एक आदमी ल पुलिस ह गिरफ्तार करे हे. ये लइका मन ह सोमवार रात 9 बजे प्लेटफार्म नंबर दू म रकसोल हैदराबाद सुपरफास्ट ट्रेन म सफर करत रिहिस. जब ट्रेन ह आके रूकिस त थाना म पदस्थ सहायक उपनिरीक्षक अउ हवलदार ह नियमित चेकिंग के दउरान कोच संख्या एस-8 म गिस त उहां ओला श्ंका होईस. पूछताछ म लइका मन ह अपन नाम मुस्ताक अली, नियामद, सलीम, नदीम अंसारी, नशरूल अंसारी, नसरूद्दीन अंसारी अउ रहमत उल्ला बताइस. जम्मो लइका मन ह गांव चंपापुर, पोस्ट चैनपुर, थाना नारायणपुर, जिला जामताड़ा झारखंड के रहईया बताए हे.
ये लइका मन के संग म एक आदमी रहिस, जेन ह अपन नाम शमशेर अंसारी बतात हे. आरोपी आदमी ह पूछताछ म संतोषजनक जवाब नई दे पाइस. पुलिस ल ये मामला ह लइका मन के तस्करी के लागत हे. जम्मो लइका ल पुलिस ह चाइल्ड लाइन रायगढ़ ल सौंप दे हे, जिहां मामला के पूछताछ जारी हे.
