जय जोहार । (chhattisgarh ) राज्य म कस्टम मिलिंग बर एक अप्रैल तक 97.28 लाख मीटरिक टन धान के उठाव हो गेहे । छत्तीसगढ़ डहार ले केन्द्रीय पूल म चावल जमा कराय के मामला म घलो तेजी ले काम करे जात हे । अब तक केन्द्रीय पूल म 33.78 लाख मीटरिक टन चावल जमा कराय जा चुके हे जेमा भारतीय खाद्य निगम म 17.90 लाख मीटरिक टन अउ नागरिक आपूर्ति निगम म 15.88 लाख मीटरिक टन चावल सामिल हे।
खाद्य सचिव टोपेश्वर वर्मा ह बताइन कि (chhattisgarh ) मुख्यमंत्री भूपेश बघेल के पहल म ए बछर धान खरीदी के संग उठाव अउ कस्टम मिलिंग के काम तेजी ले सुरु कर देगे रिहीन। राज्य म अब तक डीओ अउ टीओ के माध्यम ले 97.28 लाख मीटरिक टन धान के रिकार्ड उठाव होगे हे।
75 लाख 03 हजार मीटरिक टन धान के डीओ जारी करे गेहे । उपार्जन केन्द्रों ले मिलर्स डहार ले 74 लाख 37 हजार मीटरिक धान के उठाव कर ले गेहे । अइसने 23 लाख 9 हजार मीटरिक टन धान के परिवहन बर टी.ओ. जारी करे गेहे , जेखर विरूद्ध समिति ले 22 लाख 90 हजार मीटरिक टन धान के उठाव हो गेहे ।
उल्लेखनीय हे कि खरीफ विपणन बछर 2021-22 म पंजीकृत 21 लाख 77 हजार किसान मन ले समर्थन मूल्य म (chhattisgarh )लगभग 98 लाख मीटरिक टन धान के खरीदी करे गेहे । धान खरीदी के एवज म किसान मन ल बैंक लिंकिंग व्यवस्था के तहत लगभग 20 हजार करोड़ रुपिया के भुगतान करे गेहे ।
