जय जोहार । (chhattisgarh) राज्य म कस्टम मिलिंग बर 05 अप्रैल तक 97.49 लाख मीटरिक टन धान के उठाव हो गेहे । राज्य सरकार डहार ले केन्द्रीय पूल म चावल जमा कराय के मामला म घलो तेजी से काम करे जात हे । अब तक केन्द्रीय पूल म 34.30 लाख मीटरिक टन चावल जमा कराय गेहे, जेमा भारतीय खाद्य निगम म 18.14 लाख मीटरिक टन अउ नागरिक आपूर्ति निगम म 16.16 लाख मीटरिक टन चावल सामिल हे ।
खाद्य सचिव टोपेश्वर वर्मा ह बताइन कि (chhattisgarh) मुख्यमंत्री भूपेश बघेल के पहल पर ए बछर धान खरीदी के संग उठाव अउ कस्टम मिलिंग के काम तेजी ले सुरु कर दे गे रिहीन। राज्य म अब तक डीओ अउ टीओ के माध्यम ले 97.49 लाख मीटरिक टन धान के रिकार्ड उठाव हो गेहे । 75 लाख 06 हजार मीटरिक टन धान के डीओ जारी करे गेहे।
उपार्जन केन्द्र ले मिलर्स डहार ले 74 लाख 59 हजार मीटरिक धान के उठाव ल कर ले गेहे। (chhattisgarh) अइसने 23 लाख 9 हजार मीटरिक टन धान के परिवहन बर टी.ओ. जारी करे गेहे , जिसके विरूद्ध समिति ले 22 लाख 91 हजार मीटरिक टन धान के उठाव हो गेहे । ए बछर केन्द्रीय पूल म 61.65 लाख मीट्रिक टन अरवा चावल जमा कराय जाना हे ।
