chhattisgarh म अब तक करीबन 98 लाख मीटरिक टन धान के होय हे खरीदी

जय जोहार। छत्तीसगढ़ (chhattisgarh) राज्य म समर्थन मूल्य म धान खरीदी के चालू सीजन म करीबन 98 लाख मीटरिक टन धान के खरीदी होय हे । प्रदेस म अब तक 21.77 लाख किसान मन ह उपार्जन केन्द्र म धान के विक्रय करे हे।

धान खरीदी के संग कस्टम मिलिंग बर धान के उठाव ल तेजी ले करे जावत हे। (chhattisgarh) मुख्यमंत्री के आह्वान म अब तक मिलर्स डहार ले डीओ अउ टीओ के माध्यम ले 67 लाख मीटरिक टन धान के उठाव हो गेहे। छत्तीसगढ़ राज्य ह केन्द्रीय पूल म चावल जमा कराय के मामला म घलो तेजी ले काम करत हे । अब तक 17.98 लाख मीटरिक टन केन्द्रीय पूल म गुणवत्तापूर्ण चावल ल जमा करा चुके हे । एमा भारतीय खाद्य निगम म 9.90 लाख मीटरिक टन अउ नागरिक आपूर्ति निगम म 8.08 लाख मीटरिक टन जमा चावल सामिल हे।

खाद्य सचिव टोपेश्वर वर्मा ह बताइन कि (chhattisgarh) मुख्यमंत्री के पहल म ए बच्छर धान खरीदी के संगेसंग कस्टम मिलिंग बर धान के तेजी ले उठाव घलो करे जावत हे । अब तक डीओ अउ टीओ के माध्यम ले 67 लाख मीटरिक टन धान के रिकार्ड उठाव हो गेहे । श्री वर्मा ह बताइन कि 55 लाख 04 हजार मीटरिक टन धान के डीओ जारी कर दे गेहे। उपार्जन केन्द्रों ले मिलर्स डहार ले 49 लाख 20 हजार मीटरिक धान के उठाव कर ले गेहे ।