jagdalpur म समाजसेवी महिला मन ह निकालिस हेलमेट जागरूकता रैली, पढो पूरा खबर

जय जोहार…. (jagdalpur) जगदलपुर म राष्ट्रीय सड़क सुरक्षा माह के तीसर दिन एसपी दीपक झा के निर्देशन, अतिरिक्त पुलिस अधीक्षक ओमप्रकाश शर्मा, अतिरिक्त पुलिस अधीक्षक यातायात के मार्गदर्शन म निरीक्षक यातायात प्रभारी कौशलेश देवांगन अऊ स्टाफ के तरफ ले समाजसेवी महिला मन के संग सड़क सुरक्षा प्रति लोगन मन जागरूकता लाय बर हेलमेट जागरूकता रैली निकालिस।

ये रैली ह (jagdalpur) यातायात शाखा ले निकल के कोतवाली चौक, शहीद पार्क चौक, चांदनी चौक, संजय बाजार चौक, मिताली चौक, दन्तेश्वरी मंदिर, गोलबाजार चौक ले वापिस आईस। एखर बाद आम लोगन मन ल जागरूक करे बर राष्ट्रीय सड़क सुरक्षा रथ ल रवाना करिन, जेन शहर के सबो वार्ड म जा के अऊ राष्ट्रीय राजमार्ग 30 के आमागुड़ा चौक, एनएमडीसी चौक, कुम्हार पारा चौक म लोगन मन ल जागरूक करे के उद्देश्य ले पाम्पलेट बांटे गिस।

उहचे (jagdalpur) कोतवाली चौक म लगे स्टाल म 81 लोगन मन ल मुफ्त हेल्प कार्ड बना के वितरण करे गिस। काली गुरुवार के सुबह 10 बजे आमागुड़ा चैक म दिला अस्पताल के डाक्टर मन के संयुक्त टीम के तरफ ले आटे, बस, ट्रक अऊ आन चालक-परिचालक के नेत्र, बीपी अऊ शुगर परीक्षण करे जाही।

एखर आलावा कक्षा नवमी ले 12वीं तक के छात्रा मन बर यातायात पुलिस के तरफ ले निबंध अऊ पेंटिंग प्रतियोगिता के आयोजन करे गे हे। निबंध के विषय वस्तु सड़क सुरक्षा संबंधी हे अऊ पेंटिंग के विष्य वस्तु यातायात, पर्यावरण, बेटी बचाओ, जल ही जीवन हे। ए स्पर्धा म भाग लेवइया छात्रा मन ह अपन नाम, पता, मोबाइल नंबर, स्कूल का नाम, कक्षा समेत 28 जनवरी के शाम 5 बजे तक यातायात थाना जगदलपुर म जमा करा सकत हे।