कोनो ह निभाइस यमराज के रोल, त कोनो बनिस दूत, कुछु ए अंदाज म बच्चा मन ह दिस कोरोना ले बचाव बर संदेश
जय जोहार रायपुर…. वैश्विक महामारी कोरोना वायरस जेन तरह ले पूरा दुनिया म फैलत हे। ओखर ले चिंतित बच्चा मन ह कोरोना वायरस ले बचाव बर एक संदेश दिस। जेमा कक्षा चौथी के छात्र यथार्थ साहू ह यमराज के भूमिका ल निभाए हे। एमा यमराज ह बतात हे कि ओखर तरफ ले भेजे गे एक दूत हे, जेला प्राण ले के पूरा छूट हे अऊ कक्षा चौथ के छात्र यशराज साहू ह चित्रगुप्त के भूमिका ल निर्वाह करे हे, जेन अपन महाराज यमराज ल बतात हे कि धरती वासी मन ह कोरोना ले बचे बर उपाय ढूंढ ले हे।
ऊहचे पीपी वन के अवनि साहू, कक्षा दूसरी के उन्नति साहू, कक्षा तीसरी के माही साहू, प्रकृति साहू अऊ कान्याना साहू ह कोरोना ले बचे के उपाय के संदेश देत नजर आत हे। चित्रगुप्त ह अपन महाराज ल कहत ह कि महाराज अब हमर मन के ए धरती म का काम हे, त यमराज कहत हे कि चित्रगुप्त जेन देश अऊ प्रदेश के जनता जागरूक हे, ऊहां हमर मन के का काम, चलो ह मन अपन यमलोक चले। अंत म सबले छोटी बच्ची कन्याना अपन मम्मी-पापा के संग संदेश देवत हे कि अनावश्यक रूप ले घर ले बाहर न निकले।
