चोर कउनो अउ नइ बल्की प्रार्थी के बेटा ही निकलिस

धमतरी।पुलिस ह एक महिना पहिली होए चोरी के मामला म आरोपी ल गिरफ्तार करिस हे। जब पुलिस चोरी के खुलासा करिस त जम्मो झन अकबका गिन। काबर कि चोर कउनो अउ नइ बल्की प्रार्थी के बेटा ही निकलिस। असल म पार्थी के बेटा कर्जा अऊ नसा के आदी हे। जउन ह अपन जरूरत ल पूरा करे बर अपन ही घर म लगभग 1 लाख 80 हजार रूपिया के चोरी करे रहिस। घटना के जाच म पुलिस ल कउनो करीबी के ही चोर होए के सक होइस। फेर कड़ाई ले पूछताछ करे के बाद आरोपी ह चोरी ल मान लिस। फिलहाल आरोपी पुलिस हिरासत म हे।