जय जोहार…. (chhollywood ) छत्तीसगढ़ म सच्च फिल्म प्रोडक्शन के बेनर तले पहली छत्तीसगढ़ी फिलीम मया के पाखी के निर्माण करे गे हे। ए फिलीम के लेखक,निर्माता अउ निर्देशक जगदीप सिंह हे। फिलीम के गाना ह 17 जुलाई के अमारा म्युजिक म रिलीज होवइया हे। एमा अनुपमा मिश्रा, चंपा निशाद,अलका चंद्राकर,सुनील सोनी,दीप शिखा,सुनील बघेल अउ टी विशाल ह अपन स्वर देहे। उहें छत्तीसगढ़ के सुप्रसिद्ध गीतकार चम्पेश्वर गोस्वामी ह फिलीम के गाना ल घलो लिखे हे।
(chhollywood ) फिलीम म मुख्य भूमिका म राज रावते, संध्या वर्मा, यश, गारिमा, अखिलेश वर्मा, किशोर मंडल, उपासना वैशनव, बोचकु, अर्चना पिपरीया, अशोक कुमार श्रीवास्तव, राज कुमार साहू, केदार साहू, तनुजा, रीया पटेल, काजल खिलारी, कवी रजवाडे,ओमी अंकु, भजन मानिकपुरी, गोकुल चतुर्वेदी, पूजा वनछोड, जगदीश प्रसाद,असकरन जोगी, अशोक देवांगन,आरती जैन, प्रमोद ताम्रकार अउ जगदीप सिंह हे।
ये फिलीम (chhollywood ) के कहानी ह प्यार म केंद्रित है, जेमा जागीरदार अउ गरीब परिवार के आपसी रंजिश के दौर के संग एक ठिन अच्छा सुनेहा दे के कोसिस करे गे हे। ये फिलीम ल कलाकार अशोक कुमार श्रीवास्तव अउ राज कुमार साहू ल समर्पित करे जावत हे, जेन कोरोना काल म हमन ले हमेशा बर दूर चले गे।
