बिसेस लेख :नवा रायपुर अटल नगर: विकास, निवेश अउ आधुनिक भारत के उभरत स्मार्ट सहर

नवा रायपुर अटल नगर: उपलब्धि ले नवा ऊँचाई कोती

• सुनील कुमार त्रिपाठी
• सहायक संचालक

रायपुर, छत्तीसगढ़ के आधुनिक अउ योजनाबद्ध राजधानी नवा रायपुर अटल नगर आज देस के सबले तेजी से बढ़त-विकसित होत स्मार्ट सहर मा सामिल हे। सुघ्घर अधोसंरचना (बुनियादी ढांचा), हरियाली बिकास, शिक्षा, सेहत, आईटी, पर्यटन अउ महिला सशक्तिकरण जइसन अलग-अलग क्षेत्र मा होईस अब्बड़ प्रगति ह नवा रायपुर ला आघू के भारत के एक नवा शहरी माडल बना दीस हे। ये ह सिरिफ प्रशासनिक राजधानी च नई हे, भलुक निवेश, नवाचार अउ जम्मो मनखे मन के बिकास के एक बड़ केंदर बनके उभरत हे।

स्मार्ट अधोसंरचना अउ सहर के सुबिधा मा बड़ उपलब्धि

नवा रायपुर अटल नगर मा 52 एमएलडी छमता के पाइपलाइन अउ आधुनिक पानी सोधन संयंत्र (वॉटर ट्रीटमेंट प्लांट) के माध्यम से पूरा सहर मा लंबा समे बर पीये के साफ़ पानी के सुबिधा पक्का करे गिस हे। एकर से अभी के आबादी के संग-संग नवा बसत सेक्टर मन के जरूरत घलो पूरा हो सकिही।

बरसात के पानी ला सहेज के रखे अउ भूजल स्तर ला बढ़ाय बर 10.66 किलोमीटर लंबा बायोस्वेल्स, रिचार्ज पिट्स अउ प्राकृतिक पानी निकारी के संसो करे गे हे। ए कोसिस मन ह सिरिफ पानी ला च नई बचाइन, भलुक सहर के पर्यावरण के संतुलन ला घलो मजबूत करिन।

परिवहन अउ कनेक्टिविटी ला मिलिस नवा उड़ान

रायपुर-राजिम रेल सेवा के नवा रायपुर के सीबीडी (CBD) स्टेशन तक विस्तार होय से सहर मा आ जाई के रस्ता ला नवा गती मिलत हे।

माईलोगन मन के सुरक्छित आ जाई अउ खुद के रोजगार ला बढ़ावा देवे बर ‘पिंक ई-रिक्शा’ सेवा सुरु करे गे हे। संग च, ई-बस चलाए बर जरूरी चार्जिंग इंफ्रास्ट्रक्चर तैयार हो चुके हे अउ बस सेवा सुरु होय के बूता आखिरी चरन मा हे। ये कोसिस हरियाली अउ टिकाऊ सहर परिवहन के डहर मा एक बड़ कदम ए।

सिका के क्षेत्र मा विकसित होत ‘एडूसिटी’

नवा रायपुर के 13 सहकारी स्कूल के अस्तर ला सुधारे गे हे अउ दो ठन उच्चतर माध्यमिक स्कूल ला स्मार्ट स्कूल के रूप मा तैयार करे गे हे।

लगभग 200 एकड़ इलाका मा ‘एडूसिटी’ के बिकास करे जात हे, जहाँ देस स्तर के बड़े-बड़े संस्थान जइसन – National Institute of Fashion Technology (NIFT), National Institute of Electronics and Information Technology (NIELIT), National Forensic Sciences University (NFSU) अउ Narsee Monjee ला भुइँया (जमीन) बांट दिये गे हे। एकर अलावा सेक्टर-7 मा 17 एकड़ भुइँया मा आवासीय विद्यालय (बोर्डिंग स्कूल) खोले के घलो विचार हे।

मेडिसिटी: सेहत सुबिधा के नवा केंदर

मेडिकल टूरिज्म ला बढ़ावा देवे के उदेस्य से लगभग 500 एकड़ इलाका मा दुनिया स्तर के ‘मेडिसिटी’ विकसित करे जात हे। यहाँ सुपर स्पेशियलिटी अस्पताल, मेडिकल कालेज, नर्सिंग कालेज, डायग्नोस्टिक सेंटर, धरमसाला, होटल अउ रहे के सुबिधा विकसित करे जाही।

ए योजना के तहत Bombay Hospital ला 300 बिस्तर वाले सुपर स्पेशियलिटी अस्पताल बर भुइँया दे दिये गे हे। संग च, लगभग 50 एकड़ भुइँया मा घर-मकान बनाए बर निजी निवेशक ला प्लाट बांटे गे हे, जेकर से लगभग 350 करोड़ रुपिया के निवेश होय के संसो हे।

महिला सशक्तिकरण अउ मजूरी करइया के कल्यान

काम-बूता करइया माईलोगन मन बर 1,000 छमता वाले ‘वर्किंग वुमन हॉस्टल’ के निरमान 109 करोड़ रुपिया के लागत से करे जात हे। ये योजना महिला मन के सुरक्छा, सुबिधा अउ आत्मनिर्भरता ला अउ मजबूत करही।

एकर अलावा, बाहरे ले आए मजूर भाई-बहिनी मन बर जम्मो सुबिधा ले लैस 1,100 छमता वाला ‘श्रमिक आवास भवन’ 40 करोड़ रुपिया के लागत से बनके तैयार होत हे।

पर्यटन, संस्कृति अउ MICE गंतव्य के रूप मा उभार

नवा रायपुर मा 77 एकड़ भुइँया मा सेवाग्राम अउ सेक्टर-39 मा Art of Living Foundation ला 40 एकड़ भुइँया बांटे गे हे, जहाँ सांस्कृतिक अउ सामाजिक गतिविधि के बड़ केंदर बनत हें।

सेक्टर-4 अउ 10 मा लगभग 120 एकड़ इलाका मा निजी निवेश के माध्यम से ‘कन्वेंशन सेंटर कम स्पोर्ट्स सिटी’ विकसित करे जात हे। लगभग 800 करोड़ रुपिया के ए योजना मा बिस्वस्तरीय कन्वेंशन सेंटर अउ टेनिस, तैरई (तैराकी), कुश्ती, तीरंदाजी अउ स्क्वैश जइसन खेल-कूद के सुबिधा मन सामिल रहिही।

सेमीकंडक्टर, इलेक्ट्रॉनिक्स अउ आईटी के उभरत हब

नवा रायपुर मा राज के पहिली SEZ आधारित एआई (AI) डेटा सेंटर पार्क स्थापित करे जात हे, जेमा लगभग 4,000 करोड़ रुपिया के निजी निवेश होय के उम्मीद हे।

यहाँ भारत के पहिली GaN तकनीक आधारित सेमीकंडक्टर प्लांट लगाए बर घलो भुइँया बांटे गे हे। एकर संग च इलेक्ट्रॉनिक कॉमन फैसिलिटी सेंटर (CFC) बर भारत सरकार ले मंज़ूरी मिल गे हे, जहाँ PCB प्रोटोटाइपिंग, 3D प्रिंटिंग अउ EMC टेस्टिंग जइसन आधुनिक सुबिधा मन मिलिही।

सीबीडी (CBD) इलाका मा प्लग-एंड-प्ले मॉडल मा आईटी कंपनी मन ला जम्मो सुबिधा वाले आफिस के जघा दिये गे हे। अभी के बखत मा लगभग 1,000 युवा मन काम करत हें अउ 2,000 अउ नवा रोजगार बने के संसो हे।

सतत बिकास अउ हरियाली के कोसिस

“पीपल फॉर पीपल” अभियान के तहत 1 लाख ले जादा पौधा लगाए गे हे, जेकर से सहर के 26 प्रतिसत हरियाली वाले इलाका ला बचाए अउ बढ़ाए मा मदद मिलिस हे।

बायोस्वेल्स, रिचार्ज सिस्टम अउ हरियाली कॉरिडोर जइसन उपाय नवा रायपुर ला पर्यावरण के संगी अउ पानी-संवेदनशील सहर के रूप मा स्थापित करत हें।

प्राधिकरण के आघू के कार्ययोजना

नवा रायपुर अटल नगर विकास प्राधिकरण (NRANVDA) आने वाला बछर मन मा सहर ला अउ जादा आधुनिक अउ निवेश बर सुघ्घर बनाए बर कतको बड़े योजना मा काम करत हे:

• सेरीखेड़ी अउ मंदिरहसौद इलाका मा लगभग 1,100 एकड़ मा 800 करोड़ रुपिया के लागत से बुनियादी ढांचा के बिकास।
• राज्य राजधानी क्षेत्र (SCR) के एकजूट बिकास बर बिसेस प्राधिकरण के गठन।
• 500 एकड़ मा मेडिसिटी अउ 200 एकड़ मा एडूसिटी के बिस्तार।
• नवा रायपुर ला IT, ITeS अउ AI हब के रूप मा स्थापित करना।
• हर बछर के पूंजीगत खरच छमता ला 1,000 करोड़ रुपिया तक बढ़ाना।
• वेलनेस सेंटर, वेडिंग डेस्टिनेशन, MICE कैपिटल अउ पर्यटन योजना मा निजी निवेश ला बढ़ावा देना।
• प्रभावित ग्राम पंचायत मा ‘ग्राम बिकास योजना’ के आधार मा आधुनिक बुनियादी ढांचा के बिकास।
• इंटीग्रेटेड कमांड एंड कंट्रोल सेंटर (ICCC) के तकनीकी सुधरई (अपग्रेडेशन)।
• जनता के आ जाई ला सुघ्घर बनाए बर 40 ठन नवा ई-बस मन के संचालन।

नवा राजधानी, नवा भारत के चिनहा

नवा रायपुर अटल नगर आज नियमति बिकास, आधुनिक सुबिधा अउ सतत सहरीकरण के एक बड़ उदाहरण बन चुके हे। सिका, सेहत, प्रौद्योगिकी, पर्यटन अउ हरियाली बिकास के क्षेत्र मा लगातार बढ़त कदम एकर ला सिरिफ छत्तीसगढ़ के नवा चिनहा च नई बनावत हे, भलुक पूरा देस बर एक प्रेरणा के माडल के रूप मा स्थापित करत हे।

आने वाला बछर मा नवा रायपुर अटल नगर ह पक्का च भारत के सबले आधुनिक, निवेश बर सबले बढ़िया अउ सुघ्घर जिनगी जिए वाले सहर मा सबले आघू नाम कमाही।