Bamleshwari Temple: नवरात्र म डोंगरगढ़ म नई होही विशेष ट्रेन के स्टापेज, पढो पूरा खबर
जय जोहार…. (Bamleshwari Temple) कोरोना महामारी सती ए बार नवरात्र के दौरान डोंगरगढ़ म ट्रेन के विशेष स्टापेज नई होही। दर्शनार्थी मन ल बम्लेश्वरी मंदिर म प्रवेश नई मिलही।
उहचे डोंगरगढ़ बर बिलासपुर ले चलइया स्पेशन ट्रेन घलो नई चलही। एखर आलावा डोंगरगढ़ के प्रशासन ह चलत ट्रेन के स्टापेज ल घलो बंद कराही। राजनांदगांव कलेक्टर टोपेश्वर वर्मा ह बिलासपुर, रायपुर, जांजगीर-चांपा, कोरबा अऊ रायगढ़ कलेक्टर मन ल पत्राचार कर दे हे।
राजनांदगांव कलेक्टर टोपेश्वर वर्मा ह स्पष्ट कर दे हे कि कोविड 19 सती बम्लेश्वरी मंदिर (Bamleshwari Temple) म मेला अऊ बड़े पैमाना म श्रद्धालु मन के भीड़ उमड़त हे। एला रोके बर स्थानीय प्रशासन ह कुछु कड़ा फइसला करे हे।
बता दन कि हर नवरात्र म हजारो के संख्या म रेल अऊ आन माध्यम ले दर्शनार्थी ह मां बम्लेश्वरी के दर्शन करे बर (Bamleshwari Temple) डोंगरगढ़ पहुंचत हे। एखर सती रेल म बर्थ नई मिलथे अऊ मुसाफिर मन ल कई परेशानी होवत हे।
हर बार एखर बर स्पेशन ट्रेन चलाय जावत हे। भीड़ अऊ दूसर दिक्कत सती रेलवे कई एक्सप्रदेश ट्रेन के स्टापेज डोंगरगढ़ म देवत आय हे। लेकिन ए बार परिस्थिति ल देखत हुये अइसे होना असंभव दिखत हे। जिला कलेक्टर ह सरकारी निर्देश के हवाला देवत हुये ए बार अईसे सबो गतिविधि म रोक लगाय के बात कहे हे।
