होली म दुर्ग ले पटना अऊ पटना ले दुर्ग के बीच चलही स्पेशल एक्सप्रेस

जय जोहार रायपुर…. होली के त्योहार ल देखत रेल प्रशासन दुर्ग अऊ पटना के बीच स्पेशल होली एक्सप्रेस चलाही। सिर्फ एक दिन बर ये ट्रेन आठ मार्च के दुर्ग ले रवाना होके 9 मार्च के पटना पहुंच जाही अऊ 11 मार्च के पटना ले रवाना होके 12 मार्च के दुर्ग पहुंचही।

समय सारिणी के अनुसार होली एक्सप्रेस 08295 दुर्ग ले आठ मार्च के 16.15 बजे रवाना होके रायपुर, भाटापारा, बिलासपुर, चांपा, रायगढ़, झारसुगड़ा, राउरकेला, हटिया, रांची, बोकारो सिटी अऊ गया होवत 9 मार्च के बिहिनिया 11.45 बजे पटना पहुंचही। ऊहचे होली एक्सप्रेस पटना ले 11 मार्च के दोपहर 12.45 बजे रवाना होके 12 मार्च के 10.30 बजे दुर्ग पहुंचही।