chhattisgarh: प्रदेश कांग्रेस अध्यक्ष मोहन मरकाम ह लगवाइन हे कोरोना के पहला टीका

जय जोहार…. (chhattisgarh) छत्तीसगढ़ म कोरोना के बाढ़ते प्रकोप के बीच वैक्सिनेशन घलो बाढ़े हे। अब 45 बच्छर ले उपर मनखे मन ल कोरोना वैक्सीन लगवाना अनिवार्य हो गे हे। बड़े संख्या म वैक्सिनेशन सेंटर पहुंच के मनखे मन ह कोरोना वैक्सीन ल लगवा के जागरूकता के परिचय घलो देवत हे।

ए बीच (chhattisgarh) प्रदेश कांग्रेस अध्यक्ष मोहन मरकाम ह कोरोना वैक्सीन के पहला डोज लगवाए हे। वो हा वैक्सीन ल लगवात हुये तस्वीर ल ट्वीटर म साझा करे हे। ट्वीटर म फोटो के संग ट्वीट करत हुये वो हा लिखे हे कि सबो मनखे मन ह आगू आए, वैक्सीन ल जरूर लगवाए।

अर्हता के अनुसार (chhattisgarh) आज मेहा कोविड 19 वैक्सीन के पहला डोल ले हों। आप सबले निवेदन हे कि सबो मनखे मन ल जागरूक करे अऊ ओ मन ल वैक्सीन लगवाए ल जरूर भेजे। वैक्सीन के बाद घलो हमन ल सावधानी म कोनो ढिलाई नई करना हे।
….