chhattisgarh : दू नेता मन ल प्रदेस सरकार ह दीन हे कैबिनेट मंत्री के दर्जा, आदेस होगे जारी

जय जोहार…. (chhattisgarh ) प्रदेस सरकार ह आयोग के दू अध्यक्ष मन ल कैबिनेट मंत्री के दर्जा देहे। ए संबंध म सामान्य प्रसासन विभाग ह आदेस जारी कर देहे। जेन दू नेता मन ल कैबिनेट मंत्री के दर्जा दे जाही, ओमा भानुप्रताप सिंह अउ सुरेंद्र शर्मा हे।

भानुप्रताप सिंह ल हाल म प्रदेस (chhattisgarh ) सरकार ह छत्तीसगढ़ राज्य अनुसूचित जनजाति आयोग के अध्यक्ष बनाए हे। जबकि सुरेंद्र शर्मा ल कुछु महीना पाहिले छत्तीसगढ़ राज्य कृषक कल्याण परिसद के अध्यक्ष बनाए रिहीन।

आदेस के मुताबिक (chhattisgarh ) दुनो नेता मन ल कैबिनेट मंत्री के दर्जा शिस्टाचार के नाते दे गेहे। ओमन ल नियम के अनुसार सुविधा आयोग अउ परिसद डहार ले दे जाही।