chhattisgarh म लॉकडाउन ल लेके राज्य सरकार ह जारी करिन निर्देश, पढ़व पूरा खबर

जय जोहार…. (chhattisgarh) प्रदेश म लॉकडाउन ल लेके राज्य सरकार ह निर्देश जारी कर दे हे। राज्य सरकार ह 3 जिला रायगढ़, जांजगीर अउ सूरजपुर म लॉकडाउन ल जारी रखे के निर्देश दे हे, ए 3 जिला म पॉजेटिविटी रेट 5 फीसद ले ऊपर हे।

हालांकि ए 3 जिला म थोड़कीन रहत दे जाहि। 6 बजे तक सबो दुकान ल बंद करना होही। (chhattisgarh) उहचे नाइट कर्फ्यू ह जारी रही। उहचे जेन जिला म पॉजेटिविटी रेट 5 फीसद ले कम हे , उहा ले लॉकडाउन हटा ले गे हे। हालांकि ए जिला म कुछु चीज म प्रतिबंध ह जारी रही।

राज्य (chhattisgarh) सरकार के निर्देश के मुताबिक सिनेमा हॉल, मॉल, पार्क, स्वीमिंग पूल, वाटर पार्क अउ जंगल सफारी आदि बंद रही। चौपाटी घलो नई खुलही। ए जिला म बिहनिया अपन सहुलियत के हिसाब ले दुकान खुलही, लेकिन संझा 6 बजे तक सबो दुकान ला बंद करना होही। होटल, क्लब अउ बार ल 10 बजे तक खोले के छूट होही।