कोटा म फंसे बच्चा मन के घर वापसी बर राज्य सरकार गंभीर, गृह मंत्रालय ले अनुमोदन के इंतजार

जय जोहार रायपुर…. लाकडाउन के बाद कोटा म देशभर के करीब 30 हजार ले अधिक छात्र मन ह फंसे हे। कोटा म कोरोना ले अब तक 49 पॉजिटिव मरीज सामने आ चुके हे। एखर बाद ले ए विद्यार्थी मन के अभिभावक ह चिंतित हो गे हे। शहर के कुछु इलाका मन म एहतियान कर्फ्यू लगे हुए हे।

राहत के बात ये हे कि अभी तक कोचिंग क्षेत्र ह एखर ले अछूता हे अऊ सबो छात्र मन ह पूरा तरह ले सुरक्षित हे। छत्तीसगढ़ सरकार ह कोटा म फंसे छात्र मन ल लेके काफी गंभीर हे। ऊहां फंसे सैकड़ों छात्र मन बर शासन ह राजस्थान सरकार के संपर्क म हे। ए मसला म मुख्यमंत्री भूपेश बघेल ह खुद नजर रखे हुए हे। संगेसंग राजस्थान के सीएम ले संपर्क म हे। एति राज्य सरकार ह सरलघा कोटा जिला प्रशासन ले जानकारी लेवत हे।

मुख्यमंत्री भूपेश बघेल ए बच्चा मन के वापसी जल्द अऊ सुरक्षित तरीका ले सुनिश्चित कराए के कवायद म हे। मामला केंद्रीय गृह मंत्रालय के पास राज्य सरकार ह भेज दे हे। अब राज्य सरकार ल अनुमोदन के इंतजार हे।