राष्ट्रपिता महात्मा गांधी के 150 वीं वर्षगांठ म होही प्रदेश स्तरीय भाषण प्रतियोगिता
रायपुर. राष्ट्रपिता महात्मा गांधी के 150 वीं वर्षगांठ के उपलक्छ म प्रदेश स्तरीय भाषण प्रतियोगिता होही। राष्ट्रपिता महात्मा गांधी के विचार के प्रासंगिकता के बारे म युवा मन मंथन करय अउ वोमन ल प्रेरित करे बर राजीव गांधी स्टडी सर्कल ह देशभर म भाषण प्रतियोगिता के आयोजन करत हे। ये जानकारी ल आज आरजीएससी छत्तीसगढ़ राज्य के प्रभारी अउ महिला कांग्रेस के राष्ट्रीय सचिव चयनिका उनियाल के मार्गदर्शन म रायपुर के महंत लक्ष्मीनारायण दास कॉलेज म होईस बैइठक म दे गिन।
बैइठक म बताए गिन कि इही क्रम म छत्तीसगढ़ म घलो राज्य स्तरीय भाषण प्रतियोगिता 8 अगस्त के मुख्यमंत्री भूपेश बघेल के मुख्य आतिथ्य म होही। एखर बर मुख्यमंत्री के सहमति घलो मिल गे हे। आरजीएससी ह संगठन ल सबो जिला म फैलाए के काम ल घलो शुरू करे जाहि। बइठक म आरजीएससी के प्रदेश समन्वयक देवाशीष मुखर्जी, स्टूडेंट समन्वयक छत्तीसगढ़ अंकित बागबाहरा, स्टूडेंट समन्वयक पश्चमी उत्तरप्रदेश रोहित शर्मा अउ अमिताभ कुमार आदि मौजूद रहीस।
