जय जोहार….. (chhattisgarh ) राज्य सासन डहार ले छत्तीसगढ़ म प्रदेस के सेबल बड़का अउ पहिला एथेनॉल प्लांट कबीरधाम जिला म स्थापित करे जाहि। ए प्लांट के स्थापना बर प्रदेस के भोरमदेव सहकारी सक्कर कारखाना के खाली भू-खंड के 35 एकड़ भुईया ल चिन्हाकित करे गेहे। सहकारिता विभाग ह एथेनॉल प्लांट के स्थापना बर ड्राइंग डिजाईन घलो तैयार कर लीन हे।
मुख्यमंत्री भूपेश बघेल डहार ले वर्चुअल माध्यम ले जल्दीच एथेनॉल प्लांट स्थापना बर भूमिपूजन करे जाहि। (chhattisgarh ) सहकारिता मंत्री डॉ. प्रेमसाय सिंह टेकाम ह आज कवर्धा म एथेनॉल प्लांट बर चिन्हाकित भूमि के स्थल निरीक्षण करीन अउ कलेक्टर ल भूमिपूजन के तैयारी करे के निर्देस देहे।
बता दें कि मुख्यमंत्री भूपेश बघेल के मुख्य आतिथ्य म पीपीपी मॉडल ले स्थापित होवइया एथेनॉल प्लांट की स्थापना के संबंध म 29 दिसंबर 2020 के (chhattisgarh ) मुख्यमंत्री निवास म भोरमदेव सहकारी सक्कर कारखाना अउ छत्तीसगढ़ डिस्टलरी लिमिटेड के सहायक इकाई एन.के.जे. बॉयोफ्यूल के मध्य अनुबंध करे गे रिहीन। एथेनॉल प्लांट के स्थापना ले कवर्धा क्षेत्र म प्रत्यक्ष अउ अप्रत्यक्ष रोजगार के अवसर उपलब्ध होही।
