26 संगठन ह करही 10 जून के राज्यव्यापी विरोध प्रदर्शन, राज्य अऊ केन्द्र सरकार के कृषि नीति के करही विरोध
जय जोहार…. छत्तीसगढ़ म विकसित होवत साझे किसान आन्दोलन ले जुड़े 26 संगठन ह 10 जून को प्रदेशव्यापी विरोध प्रदर्शन करही। ए संगठन ह केंद्र अऊ राज्य सरकार के कृषि अऊ किसान विरोधी नीति के खिलाफ पांच प्रमुख मांग ल लेके राज्यव्यापी विरोध प्रदर्शन के आह्वान करे हे। ए प्रदर्शन ल गांव-गांव म फिजिकल डिस्टेंसिंग अऊ कोविड 19 के प्रोटोकाल ल धियान म रख के आयोजित करे जाही।
छत्तीसगढ़ किसान सभा के राज्य अध्यक्ष संजय पराते अऊ किसान संगठन के साझे मोर्चे ले जुड़े विजय भाई ह बताइस कि सब्बो संगठन ह मिल के प्रदेश सरकार ले कोरोना संकट के मद्देनजर पंजीयन के बाध्यता के बगैर सब्बो मक्का उत्पादक किसान मन के उपार्जित मक्का के समर्थन मूल्य म सरकारी खरीद करे जाये, केन्द्र सरकार के तरफ ले मण्डी कानून अऊ आवश्यक वस्तु अधिनियम ल अध्यादेश के जरिये बदले ल अऊ ठेका कृषि ल कानूनी दर्जा दे के मन्त्रिमण्डल के फइसले ल निरस्त करने, छ्त्तीसगढ़ के प्रवासी मजदूर मन ल ओखर गांव अऊ घर तक मुफ्त पहुंचाय, ओखर भरण-पोषण बर मुफ्त खाद्यान्न, मनरेगा म रोजगार अऊ नगद आर्थिक सहायता दे के समेत आन मांग शामिल हे।
