पुलिस प्रताड़ना ले परेसान युवक ह खाइस जहर …. थाना प्रभारी लाइन अटैच

जांजगीर-चांपा। जिला म पुलिस उपर प्रताड़ित करे के आरोप लगिस हे। मिले जानकारी म  नवागढ़ थाना म पुलिस प्रताड़ना के वजह ले युवक  के जहर सेवन के मामला  आघू आइस हे।  जांजगीर पुलिस अधीक्षक ह थाना प्रभारी के गंभीर लापरवाही मानत हुए नवागढ़ थाना प्रभारी ल लाइन अटैच कर दिस हे।

बता दन के नवागढ़ थाना क्षेत्र के कटौद गांव म तीन माह पहिली चोरी के वारदात होय रहिस हे। एखर रिपोर्ट थाना म  दरज कराए गिस। इहीं दउरान पुलिस जांच म जुटी रहीस  मगर सफलता हाथ नइ लगिस हे।  दू दिन पहिली गांव के ही एक युवक ल चोरी के आरोप म गेरफ्तार करे गिस । आरोपी ह जे घर म चोरी करिस हे उहीं घर के मालिक के नाबालिग बेटा के अपन साथ संलिप्त होना बताइस।

आरोप हे के पुलिस ह  ओला थाना बुला के पूछताछ के दउरान ओखर ले मारपीट करिस।  ए बीच  म नाबालिग ह सउचालय जाए के मांग करिस. युवक  ह सउचालय जाके कुछु जहरीला पदार्थ खा लिस। ओखर मुंह ले झाग निकले लगिस।  मामला के गंभीरता ल देखत हुए नवागढ़ थाना प्रभारी ह नाबालिग ल नवागढ़ सामुदायिक स्वास्थ्य केन्द्र म भरती कराइसया।  मगर स्थिति बिगड़े म ओला जिला हॉस्पिटल रेफर कर गिस। इहां गंभीर हालत होय ले जिला हॉस्पिटल के डॉक्टर मन ह  ओला बिलासपुर के सिम्स रिफर करिन हे। जिहां ओखर उपचार चलत हे। जांजगीर पुलिस अधिक्षक ह ए मामला म नवागढ़ थाना प्रभारी के गंभीर लापरवाही मानत हुए थाना प्रभारी राजेश श्रीवास्तव ल लाइन अटैच कर देय हे।