रायपुर एयरपोर्ट म लगाए जाही स्वामी विवेकानंद के प्रतिमा

रायपुर. रायपुर के स्वामी विवेकानंद एयरपोर्ट म नेशनल मिनरल डेवलपमेंट कॉरपोरेशन (एनएमडीसी) ह 18 फीट ऊंचा स्वामी विवेकानंद के प्रतिमा लगाए जाही. ये प्रतिमा एक करोड़ के लागत ले तइयार करे जाही. बता देवन के एयरपोर्ट म लगइया प्रतिमा के ऊंचाई 18 फीट हो ही.जे करीब 1 करोड़ रुपिया के लागत ले तइयार हो ही.

प्रतिमा निर्मान के कार्य जल्द शुरू हो ही अउ करीबन छह ले सात महीना म पूर्ण कर लेय जाही. प्रतिमा के बजन करीबन सात टन के आसपास हो ही अउ मूर्ति कास्टिंग के मोटाई 6 मीटर हो ही. ये मूर्ति में 85 प्रतिशत कापर अउ 5 परसेंट इन, 5 परसेंट जिंक व 5 परसेंट लीड के उपयोग करे जाही. स्वामी विवेकानंद के प्रतिमा लगए ले रायपुर एयरपोर्ट के सुंदरता अउ बढ़ जाही. संगेच एक नवां पहचान घलो एयरपोर्ट ल मिल जाही.

अभप तक स्वामी विवेकानंद के नाम ले जानइया एयरपोर्ट ल मूर्ति के पहिचान नइ मिलिस हे, लेकिन अब मूर्ति के घलो पहचान मिलही। ए मूर्ति के निर्मान प्रसिद्ध मूर्तिकार राम वी सुतार कर ही. ये उहीं मूर्तिकार हे, जे ह गुजरात के बड़ोदरा म सरदार वल्लभ भाई पटेल के 522 फीट ऊंची मूर्ति के निर्माण करे हे.