कोटा ले लाये छात्र-छात्रा मन ह आज ले लहुटही अपन घर, घर म ही करही 14 दिन के क्वारेंटाइन अवधि ल पूरा

जय जोहार…. मुख्यमंत्री भूपेश बघेल के पहल म राजस्थान के कोटा म लॉकडाउन के दौरान छत्तीसगढ़ के फंसे छात्र-छात्रा मन के एक सप्ताह पूर्व वापसी होय रहिस। आज शाम ले रायपुर जिला के ए छात्र-छात्रा मन के घर वापसी के कार्य ह रायपुर के सरदार बलबीर सिंह जुनेजा इंडोर स्टेडियम ले शुरू हो जाही।

कलेक्टर डॉ. एस भारतीदासन ह बताइस कि कोटा ले छात्र-छात्रा मन ह एक सप्ताह पूर्व छत्तीसगढ़ शासन के विशेष प्रयास अऊ बस ले रायपुर अऊ अलग-अलग जिला म पहुंचे रहिस। इहां क्वारेंटाइन म रहिस। छत्तीसगढ़ पहुंचे म एखर स्वास्थ्य जांच अऊ कोरोना टेस्ट करे गे रहिन। ये छात्र-छात्रा मन ह अब स्वस्थ हे। 14 दिन के क्वारेंटाइन अवधि म अब वे अपन घर म रही अऊ सोशल डिस्टेसिंग समेत अन्य निर्देश के पालन करही। घर रवानगी के पहले एखर वचन पत्र घलो पालक मन ले ले जाही।