कोटा ले छात्र पहुंचिस बिलासपुर, 14 दिन बर होइस क्वारेंटाइन
जय जोहार…. राज्य सरकार के पहल के बाद कोटा ले छात्र मन के बस मंगलवार के बिलासपुर पहुंच गिस। कोटा म प्रदेश के 2247 छात्र मन ह लॉकडाउन के चलत फंस गे रहिस।
बिलासपुर म द जैन इंटरनेशनल स्कूल, कैरियर पाइंट इंटरनेशनल स्कूल, एलसीआईटी, सेंट जेवियर स्कूल भरनी अऊ ब्रिलियंट पब्लिक स्कूल बहतराई म बनाय गिस सेंटर म क्वारेंटाइन करे गिस। ए सेंटर म छात्र मन के जांच पड़ताल कर ओ मन ल 14 दिन बर रखे गे हे। मंगलवार के दुर्ग संभाग के लगभग 400 छात्र मन ह बिलासपुर के पांच स्थान म बनाय गिस क्वारेंटाइन सेंटर म पहुंचे हे। ए दौरान अभिभावक मन ल घलो छात्र मन ले मिले के इजाजत नई होही। ए पूरा वक्त म छात्र मन के एक-एक जरूरत के ध्यान सरकार ह रखही अऊ सब कुछ ओ मन ल नि:शुल्क उपलब्ध कराए जाही।
