जय जोहार। (Raipur) सीएम भूपेश बघेल ह मेडिकल कॉलेज के छात्र आलोक सिंह ले किहीन कि बढ़िया पढ़ाई करव अउ डॉक्टर बनके समाज के सेवा करव । आलोक ह मुख्यमंत्री ले आज विधानसभा म मुलाकात करीन । आलोक सिंह ह गोधन न्याय योजना के हितग्राही मनेन्द्रगढ़-चिरमिरी-भरतपुर जिला के रहवइया संतोष सिंह के पुत्र हे।
मुख्यमंत्री ह आलोक ल मेडिकल कॉलेज के पढ़ाई बर एक लाख रुपिया के सहायता रासि दे के तत्काल स्वीकृति दीन । श्री बघेल ह आलोक के उज्जवल भविष्य के सुभकामना दीन। ए अवसर म विधायक विनय जायसवाल उपस्थित रिहीन ।
संतोष सिंह ह गोधन न्याय योजना के तहत गोबर बेचके 3 लाख 25 हजार प्राप्त करे हे, जेखर ले अपन पुत्र आलोक के राजस्थान के कोटा म नीट परीक्षा के कोचिंग कराए रिहीन । उंहा ले मार्गदर्सन के बाद ओखर पुत्र ह मेडिकल कॉलेज प्रवेश परीक्षा ’नीट’ उत्तीर्ण कर लीन अउ आज कांकेर के मेडिकल कॉलेज म एमबीबीएस के पढ़ाई करत हे ।
