बलौदाबाजार। कसडोल म महानदी के जलस्तर बढ़े ले नदी म रेत खनन करत 20 करमचारी नदी के बीच म फंस गे, संगे संग रेत परिवहन करइया 8 वाहन घलो नदी म डूब गे। सबो करमचारी मन ल रातभर ट्रक मन के छत पर रहे बर पड़िस। सूचना मिले के बाद जिला प्रशासन ह रेस्क्यू टीम भेजिस । जे मन ह नदी म फंसे करमचारी मन बाहिर निकालिस हे।
मिले जानकारी म प्रदेस म लगातार बारिस के चलत नदियां उफान म हे। सबो बांध मन अउ स्टॉप डेम ले पानी छोड़ देय गेहे। कसडोल म घलो अचानक महानदी के जलस्तर बढ़े ले रेत खनन करत 20 करमचारी नदी म फंस गे। ये सबो करमचारी वाहन मन के छत के सहारा लेके रातभर काटीस हे। बताये गिस हे के नदी के पानी अतका तेजी ले बढ़ीस के करमचारी मन ल बचे केमउवका नइ मिल पाइस। अउ देखत-देखl पानी सिर ले ऊपर बहेलगिस। आखिर म उमन ल ट्रक मन के सहारा ले बर पड़िस।
बिहनिया जिला प्रसासन लेखबर मिलिस त 7 बजे रेस्क्यू टीम ल भेजिस । जेमन ह ट्रक में चढ़े करमचारी मन ल सकुसल निकालिस।
