राजधानी म महिला आरक्षक ह करिस फांसी लगाके आत्महत्या, जांच म जुटिन हे पुलिस

रायपुर। राजधानी के काशीराम नगर स्थित एक मकान म महिला आरक्षक ह फांसी लगाके आत्महत्या कर लिस। मौका म पहुंचे तेलीबांधा पुलिस ह शव ल पोस्टमार्टम बर भेजिस हे। फिलहाल आत्महत्या के कारण के पता नई चले हे।

जानकारी मिले हंवय कि मृतक महिला आरक्षक दुर्गा साहू ह नवापारा गोबरा म पदस्थ रहीस। उंखर पति ह काशीराम नगर रायपुर म रहिथे, जेखर ले मिले बर इतवार के दुर्गा ह इहां आए रिहिस। आधी रात के करीब तीन बजे वो ह अपन कमरा के भीतर फांसी लगाके खुदकुशी कर लिस। तेलीबांधा पुलिस ह मामला दर्ज कर जांच म जुटिन हे।