Supreme court के बड़का फइसला, तीनो कृषि कानून म लगाइस रोक, पढो पूरा खबर

जय जोहार…. (Supreme court) सुप्रीम कोर्ट ह केंद्र सरकार के तरफ ले पास करे गे तीनो कृषि कानून म रोक लगा दे हे। मंगलवार के फइसला सुनात हुये सुप्रीम कोर्ट (Supreme court) ह चार सदस्य मन के कमेटी के गठन करे हे, जेन ए मामला ल सुलझाय म महत्वपूर्ण भूमिका अदा करही।

(Supreme court) ए कमेटी म चार लोगन मन ह शामिल होही, जेमा भारतीय किसान यूनियन के जितेंद्र सिंह मान, डॉ प्रमोद कुमार जोशी, अशोक गुलाटी अऊ अनिल शेतकारी शामिल हे। बता देन कि किसान मन के आंदोलन ल लगभग 50 दिन पूरा हो गे हे।

दिल्ली के सीमा म तंबू डाल ठंड म बइठे हजारों किसान मन ह सरकार ले कृषि कानून ल रद्द करे के मांग करे हे। हालांकि सरकार अऊ किसान मन के बीच 8 स्तर के बीतचीत होय के बाद अब तक सुलह नई होइस अऊ न ही आर-पार के फइसला आइस।