Chhattisgarh: विश्व स्तरीय नाचा कार्यक्रम म प्रस्तुति देही छत्तीसगढ़ के लक्ष्मी अऊ सूरज
जय जोहार….. (Chhattisgarh) सांस्कृतिक लोक कला मंच सोनहा सुरता जांजगीर के माध्म ले लोक गायिका लक्ष्मी करियारे एवं सूरज श्रीवास ह छत्तीसगढ़ अऊ देश के आन प्रांत म प्रस्तुति करत हे। अब ओखर प्रस्तुति ह सात समुंदर पार विश्व स्तरीय नाचा कार्यक्रम म होवइया हे।
छत्तीसगढ़ (Chhattisgarh) राज्य स्थापना दिवस के अवसर म वर्चुअल ग्रांड कल्चरल इवेंट नाचा के आयोजन उत्तरी अमेरिका छत्तीसगढ़ एसोसिएशन के संयुक्त तत्वावधान म एक अऊ दू नवंबर के आयोजन करे गे हे, जेखर यू ट्यूब अऊ फेसबुक म आनलाइन प्रसारण होही।
ए कार्यक्रम के मुख्य अतिथि राज्यपाल अनुसूईया उइसके, प्रदेश के संस्कृति मंत्री अमरजीत भगत, नागेन्द्र प्रसाद भारतीय महा वाणिज्य दूत सेन फ्रांसिसको, स्टीव चीरिको नेपरविली नगर मेयर होही। विशेष अतिथि अऊ वक्ता गणेश कर, अंतरराष्ट्रीय कवि सुरेंद्र दुबे, गायक अऊ अभिनेता अनुज शर्मा, दीपाली साराओगी, सोनल अग्रवाल, अजय पांडे जीएसटी कमिश्नर आईआरएस रही।
ए कार्यक्रम म छत्तीसगढ़ (Chhattisgarh) के दुलौरीन बेटी लक्ष्मी करियारे अऊ सूरज श्रीवास ह घलो अपन प्रस्तुति देही। दनो दिन के इवेंट कार्यक्रम शाम साढ़े बजे ले नाचा के यू ट्युब चेनल अऊ फेसबुक पेज म आनलाइन होही। संगेसंग ये कार्यक्रम सूरज श्रीवास यू ट्युब चेनल अऊ सांस्कृतिक लोक कला मंच सेानहा सुरता जांजगीर छत्तीसगढ़ भारत के फेसबुक लाइव पेज म घलो आनलाइन होही।
