ए गांव के महिला मन कार्यक्रम चला के ग्रामीन मन ल जागरूक करथे

जशपुर: अक्सर शासन स्तर म गांव ल स्वच्छ, स्वस्थ अउ समृद्ध बनाए के कई दावा करे जाथे, बावजूद एखर गांव मन के जमीनी हकीकत कुछु अउ होथे. लेकिन कुछु गांव अइसे हे जेमन शासन के दावा सही साबित करत हे, छत्तीसगढ़ के जशपुर जिला म अइसे एक गांव देखे ल मिलिस हे. महिला मन ह सुरजुला ग्राम पंचायत ल  स्वच्छ और स्वस्थ बनाइस

बहरहाल, शासन के उदासीन रवैए ल देख के जशपुर के एक गांव के कुछु महिला मन ह पूरा ग्राम पंचायत ल स्वच्छ अउ स्वस्थ बनाए के  जुम्मेदारी ले लीस हे. मामला जिला के मनोरा जनपद के सुरजुला ग्राम पंचायत के हे. ए नतीजा हे, अब गांव के हर घर म शउचालय हे. अतना ही नइ गांव के लोग एखर  उपयोग घलो करत हे.

बता दन के गांव के चमेली स्व सहायता समूह के महिला मन गांव म स्वच्छता रइली अउ स्वच्छता चौपाल के माध्यम ले लोगन म जागरूकता फइलाए के काम करत हे. स्व सहायता समूह के  महिला मन के मेहनत के ही नतीजा हे के आज उंखर गांव पूरा तरह ले स्वच्छ हो गेहे.

जशपुर के मनोरा जनपद के सुरजुला ग्राम पंचायत के महिला मन स्वछता चउपाल के माध्यम ले अपन गांव ल समृद्ध करे म जुटे हुए हे. गांव के स्वच्छता बर इहां के महिला मन चमेली स्व सहायता समूह के गठन करे हे, जेखर जरिए उमन कार्यक्रम चला के ग्रामीन मन ल जागरूक करथे.

बता देन के ए समूह के पहल ले सुरजुला ग्राम पंचायत के तस्वीर बदल गे हे. खासकर गंदगी ले होवइया बीमारी मन म खासा कमी आइस हे. उहें हर घर स्वच्छता के संदेश देवत हे.

समूह के महिलाएं बतात हे खुला म सौच करइया मन ल सीटी बजाके सावधान करे जात हे. समझाइसश देके घर म बने सौचालय के उपयोग करे के सलाह दे जात हे.