कांकेर. प्रभारी कलेक्टर अउ जिला पंचायत मुख्य कार्यपालन अधिकारी डॉ. संजय कन्नौजे ह आज पुसवाड़ा गांव के हायर सेकेण्डरी स्कूल, प्राथमिक शाला अउ बालक आश्रम मारीपारा के औचक निरीक्षन करिन हे। ये दउरान हायर सेकेण्डरी स्कूल के प्रभारी प्राचार्य मदन मोहन सिंह ठाकुर ह अनुपस्थित रिहिस हे, जेखर बर ओला कारण बताओ नोटिस जारी करे के निरदेश जिला शिक्षा अधिकारी ल दिन हे। उंहे कक्षा नौंवी के लइका मन के क्लास लेके उंखर शिक्षा के स्तर ल परखिन हे। कक्षा 9वीं के गायत्री अउ दुर्गेश ल अंग्रेजी पुस्तक ल पढ़के सुनाए ल कहिन। शिक्षक मन के उपस्थिती, पाठ्य पुस्तक अउ गणवेश के बारे में पूछिन हे। इही मौका म हायर सेकंडरी स्कूल के शिक्षक मन ह स्कूल म पीये के पानी के समस्या ल बतइन त कलेक्टर ह उंहा के सरपंच ल बालक आश्रम के बोर ले तीन दिन के भीतर पानी सप्लाई करे के बेवस्था करे बर निरदेशित करिन हे।
बालक आश्रम अउ प्राथमिक शाला मारीपारा पुसवाड़ा म प्रभारी कलेक्टर ह प्राथमिक शाला के लइका मन ले मध्यान्ह भोजन, आश्रम म जेन भोजन दे जाथे ओकर गुणवत्ता के बारे म जानकारी लिन। इही दउरान अधीक्षक ल लइका मन के खाद्य सामग्री, साफ-सफाई अउ छात्रावास के लइका मन ल जंगली जानवर ले जन हानि नई हो एखर बर छात्रावास के चारों कोती बाउण्ड्रीवॉल ल सुरक्षा के नजर से बेवस्थित करे के निरदेश दिन हे करने के निर्देश दिए हैं। ये मौका म पुसवाड़ा के सरपंच रामचरण कोर्राम, उपसरपंच भरत भूषण यादव, किसान चंद्रशेखर साहू, उप संचालक कृषि आनंद सिंह नेताम, सहायक संचालक सुरेश पंसारी मौजूद रिहिन हे।
No Comment! Be the first one.