सरेंडर नक्सली अर्जुन के खुलासा, इहां माओवादी कर सकते हे बड़का हमला

एसपी जितेंद्र शुक्ल ह कहिन के, अर्जुन ले काफी जानकारी मिले हे, ओ मा काम करे जाही..
रायपुर: सुकमा पुलिस के आघू सरेंडर करइया नक्सली अर्जुन ल एक बड़ा खुलासा करिस हे. कोंटा एरिया कमेटी के पूर्व कमांडर अर्जुन के मुताबिक नक्सली आगामी टीसी ओसी म बड़का हमला कर सकत हे.

सरेंडर नक्सली के मुताबिक ए हमला बर काफी मात्रा म बारूद घलो लाय गिस हे. बस्तर के कतको जगा म माइंस घलो नक्सली मन ह बिछा रखे हे. एसपी जितेंद्र शुक्ल ह कहिन के, अर्जुन ले काफी जानकारी मिले हे, ओमा काम करे जाही.
बता दें के शुक्रवार के पुलिस अधीक्षक कार्यालय म एसपी जितेन्द्र शुक्ल अउ सीआरपीएफ डीआईजी संजय यादव के आघू 8 लाख के इनामी नक्सली अर्जुन ह सरेंडर करिस हे.

सरेंडर नक्सली अर्जुन ह पुलिस के आघू खुलासा करिस हे के, आगामी दिन म टीसी ओसी यानि टेक्टिकल काउंटर ओफेनसीव कैम्पेन म नक्सली बड़े घटना ल अंजाम दे सकत हे. एखर बर नक्सलीमन ह काफी तियारी कर रखे हवय . कतको जगा मन म माइंस घलो बिछा रखे हे. सरेंडर नक्सली के मुताबिक कुछु ही दिन पहिली नक्सली मन ह भारी मात्रा म बारूद ला रखे हवय. उहें एसपी जितेन्द्र शुक्ल ह कहिन के, अर्जुन के निशानदेही म कुछु कार्रवाई करे गे रहिस हे. जेमा सफलता मिलिस हे. आघू घलो इही तरह के कार्रवाई कर जाही. ताकि नक्सली घटना मन ल रोके जा सकय.