पुलिस ह पंडरी बस स्टेंड ले पकड़िस निगरानी बदमाश यासीन ल

रायपुर। पाछु के कई महीना ले पुलिस बर सरदर्द बने रिहिस ईरानी डेरा के फरार निगरानी बदमाश यासीन अली ल पुलिस ह गिरफ्तार करिस हे। ओला पंडरी पुलिस ह नवा बस स्टेंड पंडरी ले पकड़िन हे।

जानकारी के मुताबिक यासिन ह बस ले बाहिर भागे के प्रयास म रिहिस। इही दउरान मुखबिर ले पुलिस ल सूचना मिलिस, तेकर बाद पुलिस ह ओला गिरफ्तार करिस हे। 31 अगस्त के पुलिस ह ईरानी डेरा म निगरानी बदमाश यासिन ल गिरफ्तार करे बर गे रिहिस। इही दउरान यासिन ल बचाए बर उंहा बड़ संख्या म महिला मन पहुंच के पुलिस ऊपर हमला कर दिस, जेकर ले कई झन पुलिस वाले मन घायल हो गे रिहिन। जब भी पुलिस ह यासिन ल पकड़े बर जाए त वो ह महिला मन ल आघू करके भाग जात रिहिस।