रायपुर. छत्तीसगढ़ म स्कॉलरशिप घोटाला मामला म आदिम जाति अउ अनुसूचित जाति विकास विभाग ह कार्रवाई करिस हे. विभाग ह मामला म आरोपी तत्कालीन सहायक आयुक्त ल सस्पेंड कर दिस हे.
विभाग ह सहायक आयुक्त आरके सिदार ल सस्पेंड कर दिस. नियम के विपरित जाके दूरवर्ती सिक्षा ग्रहम करइया छात्र मन के नाम म छात्रवृत्ति जारी करे के आरोप आरके सिदार उपर हे. इहीं मामला म कार्रवाई करे गिस.
बता देवन के, मार्च 2017 म आदिम जाति अउ अनुसूचित जाति विकास विभाग म करीब सवा करोड़ रुपिया के छात्रवृत्ति घोटाला मामला सामने आइस हे. ये मामला म लंबी जांच के बाद विभाग ह आरके सिदार ल सस्पेंड कर दिस. मामला म कुछु अउ लोगन उपर घलो कार्रवाई करे जा सकत हे.
मिले जानकारी के मुताबिक बिलासपुर म संचालित डॉ. सीवी रमन विश्वविद्यालय के रायपुर म संचालित एक सेंटर के छात्र मन के नाम म छात्रवृत्ति घोटाला करे गे हे. आरोप लगिस के ये घोटाला तत्कालीन सहायक आयुक्त आरके सिदार के देखरेख म ही हुोईस हे
Other Articles
50 लीटर अवैध शराब अउ नौ हजार किलोग्राम महुआ लाहन जब्त
विवादित परसा कोल ब्लॉक मामला म ग्रामसभा के पक्ष सुनही सरकार
