chhattisgarh के 422 स्कूल म लागू होही स्वामी आत्मानंद उत्कृष्ट विद्यालय योजना: भूपेश बघेल
जय जोहार । (chhattisgarh) मुख्यमंत्री भूपेश बघेल ह आज देस के आजादी के 75वीं वर्षगांठ के म राजधानी रायपुर के पुलिस परेड मैदान म ध्वजारोहण करे के बाद प्रदेस वासी मन ल स्वतंत्रता दिवस के बधाई अउ सुभकामना दीन । ए अवसर म मुख्यमंत्री ह राज्य के विद्यार्थी मन के बेहतर अउ गुणवत्तापूर्ण शिक्षा मुहैया कराय बर बड़का सौगात दीन । वोहा राज्य म अवइया शिक्षा सत्र के पूर्व राज्य के 422 स्कूल म स्वामी आत्मानंद उत्कृष्ट विद्यालय योजना लागू करे जाय के घोसना करीन , जेमा ले 252 स्कूल बस्तर अउ सरगुजा संभाग म होही ।
मुख्यमंत्री ह किहीन कि दंतेवाड़ा जिला के सत प्रतिसत सासकीय हाई स्कूल अउ हायर सेकेण्डरी स्कूल ल स्वामी आत्मानंद उत्कृष्ट विद्यालय के स्वरूप दे जाही । (chhattisgarh) वोहा किहीन कि सिक्षा के क्षेत्र म हमन ह सुधार के स्थायी उपाय करे हन, जेखर तहत पहला चरण म 14 हजार ले जादा सिक्षक के स्थायी भर्ती के कार्य सुरू करे गेहे, जेन अब अंतिम चरण म हे । एखर अतिरिक्त 10 हजार सिक्षक के भर्ती के प्रक्रिया घलो सुरू कर दे गेहे ।
