chhattisgarh : मुख्यमंत्री के सिक्षक दिवस म बड़का घोसना, अंग्रेजी माध्यम के तर्ज म हरेक जिला म खुलही स्वामी आत्मानंद हिन्दी माध्यम सासकीय स्कूल
जय जोहार…. (chhattisgarh) मुख्यमंत्री भूपेश बघेल ह सिक्षक दिवस के अवसर म आज राजधानी रइपुर के स्वामी आत्मानंद उत्कृष्ट विद्यालय योजना अंतर्गत संचालित आर.डी. तिवारी सासकीय अंग्रेजी माध्यम स्कूल,आमापारा के उन्नयन काम के लोकार्पण करीन। वो हा किहीन कि छत्तीसगढ़ के पहिचान शिक्षा, स्वास्थ्य अउ रोजगार के क्षेत्र म होना चाही। मुख्यमंत्री भूपेश बघेल ह स्वामी आत्मानंद के नाव ले संचालित सासकीय अंग्रेजी माध्यम स्कूल के तर्ज म अब हरेक जिला म एक-एक ठिन हिन्दी माध्यम स्कूल खोले के बड़का घोसना घलो करीन।
मुख्यमंत्री ह किहीन कि प्रदेस (chhattisgarh) म महापुरूष के नाव ले संचालित होवाइया स्कूल ह हमार मन के पहिचान हे। ए ऐतिहासिक स्कूल के उन्नयन बहुउद्देशीय स्कूल के रूप म करे जाही। वो हा आरडी तिवारी अंग्रेजी माध्यम स्कूल के खेल मैदान बर 2 करोड़ रुपिया के मंजूरी प्रदान करीन। कारीकरम म कोरोना काल म लइका मन ल सिक्षा ले जोड़े रखे बर नवाचार करइया 20 उत्कृष्ट शिक्षक मन ल सम्मानित करे गेहे।
मुख्यमंत्री ह किहीन कि (chhattisgarh)आरडी तिवारी स्कूल म पहले मात्र 57 लइका मन ह पढ़त रिहीन। स्वामी आत्मानंद के नाव ले अंग्रेजी माध्यम के सासकीय स्कूल प्रारंभ होय ले अब इहां एक हजार ले जादा लइका मन ह पढ़ाई करत हे।
