तैं मोर लव स्टोरी ले डेब्यू करत हे सतीश साव , पेशा से हावे डॉक्टर

डॉक्टरी करत करत सतीश साव कला अउ संस्कृति कोति कब खींचा गे पता नई चलीस, अईसे तो सतीश साव ल अभिनय म ज्यादा रुचि रिहीस लेकिन डॉक्टरी के पढ़ाई घलोक पूरा करना रिहीस । जब वो ह कुशल चिकित्सक बन गे त ओखर बाद फिलिम के ऑफर आईस त सतीश ह अपन आप ला रोक नई पाईस।

बिलासपुर जिला के धुर्वाकारी गांव के रहईया सतीश साव अभिनय क्षेत्र म आए के कारण कला अउ संस्कृति ल बचाए रखना ल बतावत हे।सतीश ह तैं मोर लव स्टोरी के डायरेक्टर दानेश निषाद अउ निर्माता अजय वर्मा ल धन्यवाद देवत हुए बताइएस कि वो ह पहली बार अभिनय करिस जेमा अभिनेत्री अनिकृति चौहान, प्रसिद्ध अभिनेता रजनीश झांझी के भरपूर सहयोग मिलिस। ये फिलिम युवा मन ल पसंद आही ये दावा सतीश ह करे हे।